"البارت السادس"
انتبه له مالك جيدا :
-احكي
مايك وهو يقص عليه الحكايه:
-بص ابو جولي كان بيحب امها جدا فوق ما ممكن تتخيل وكان فاكر انها كمان بتحبه المهم انهم اتجوزوا وبعدها اكتشف ابو جولي انها مكنتش بتحبوا ولا حاجه وأنها كانت بتستغلوا علشان هو كان غني جدا لكن اكتشف كده متأخر اوي لما كانت جولي اتولدت ولأنها كانت أم انانيه مكنتش بتهتم بيها خالص وبعد ما ابو جولي مات امها أتجوزت علطول وجات على هنا وبتخلي جولي تشتغل وهي قاعده في البيت وعندها خدامين بسبب الثروه الي ورثتها وبسبب كده جولي مش عايزه تتجوز.
مالك وهو يتعجب الأمر بشده:
-ياه ازاي ممكن تكون في ام بالشكل ده.
مايك وهو ينظر له بحزن:
-في اسوء من كده بكتير.
في تلك اللحظه أتت جولي بعدما أعدت الطعام، تعجب مالك كثيرا من شكل الطعام العجيب وذلك لأنه اعتاد على طعام الجزيرة والذي كان اسماك او خضروات وفاكهه لكن أعجبه كثيرا مزاقه
مالك بعدما انتهى من تناول طعامه:
-بجد الاكل حلو اوي انا عمري ما اكلت اكل كده خالص.
مايك وهو ينظر لجولي بضيق مصطنع:
-ده حلو ده انت غلبان اوي.
جولي وهي تنظر له بسخرية:
-اسمالله عليك ده انت لما بتعمل اكل بطني بتوجعني يومين.
مالك وهو يأكل بتلذذ:
-لا صراحه عجبني اوي.
جولي وهي تغادر:
-طب انا همشي انا بقى وهعدي عليك الصبح واحنا رايحين الشغل.
مايك وهو ينظر لها:
-ماشي.
وغادرت جولي بينما جلس مالك ومايك يتحدثون في أمور كثيرة إلى أن شعر مالك بالتعب
مايك بعدما شعر بأن مالك متعب:
-بص روح نام علشان انت اكيد تعبان اوي والصبح نكمل كلامنا.
مالك وهو يذهب للنوم:
-ماشي .
وذهب مالك ومايك للنوم وكلا منهم يفكر في ما هو قادم.
في الصباح استيقظ مالك اولا بسبب اعتياده على الاستيقاظ مبكرا بينما استيقظ مايك بعده بوقت قليل وعندما رأى مالك:
-صباح الخير يا مالك.
مالك وهو يتثائب بنعاس:
-صباح النور .
مايك وهو ينظر له:
-بص انا رايح الشغل ايه رايك تيجي معايا.
مالك وهو يقوم من مكانه:
-ماشي بس انت بتشتغل ايه.
مايك وهو يشرح له:
-أنا شغال في مطعم انا وجولي.
مالك وهو يشعر بالحماس:
-ماشي هجرب.
وارتدى مايك ملابسه واعطى لمالك ملابس ليرتديها وصلت جولي بعد لحظات :
-كيف الحال؟
مايك وهو يرتدي حذاءه:
-جولي اتكلمي عربي علشان مالك.
جولي وهي تضرب جبهتها بتذكر:
-اوبس نسيت اصلا .
مايك وهو بسير امامهم :
-يلا علشان منتأخرش.
جولي وهي تنظر لمالك بتعجب:
-ايه ده هو مالك جاي معانا؟؟
مالك وهو ينظر لها بحزن:
-هجرب بدل ما اقعد لوحدي
جولي وهي تسير أمامهم:
-ماشي يلا بينا .
وصلا بعد لحظات واستاذن مايك المدير في أن يعمل مالك معهم وافق المدير بعد محاولات إقناع كثيرة أخبر مايك مالك بالمهام المطلوبه منه وبدأ مالك في توصيل طلبات الزبائن بكل سهوله
مايك وهو يرى ان مالك يفعل ما عليه بشكل رائع:
-كويس يا مالك انت شغال صح كمل وخلي بالك علشان المدير ده بيتلكك ماشي
مالك وهو يكمل عمله بدقه:
-ماشي متقلقش .
وأكمل مالك عمله بكل سهوله ودون أي تعب، ولكن بينما كان يوصل اخر الطلبات تعركل و سقط منه العصير على أحد الزبائن كان مالك على وشك الاعتذار لكن لم يعطه الرجل فرصه:
-ايها الاحمق كيف تجرؤ الا تعرف من اكون؟؟
لم يفهم مالك حرفا مما قال لكنه حاول الاعتذار لكن الرجل لم يتفهم الوضع وطلب مقابله المدير.
0 مراجعة