"البارت الخامس"
مالك وهو يفكر:
-تمام أنا موافق رغم اني مش فاهم اي حاجه بس انا واثق فيك.
مايك وهو ينظر له بحزن:
-بكرة تفهم كل حاجه وسعتها هتندم انك فكرت تيجي تعيش هنا اصلا .
مالك وهو يتعجب حديثه:
- انت ليه علطول بتقول كده.
كان مايك سيخبره لكن طرق الباب في هذه اللحظه، قام مايك بفتح الباب فدخلت فتاه تبدو في أوائل العشرين من عمرها ترتدي بنطلون جينز و تيشيرت وترفع شعرها كعكعه وترتدي قبعه من يراها يظنها رجل وليست فتاه دخلت وجلست على الاريكه نظر لها مالك بتعجب ثم وجه كلامه لمايك:
-هو ده صحبك يا مايك.
نظرت له الفتاه باستنكار:
-انت اعمى ولا ايه.
مالك وهو ينظر له بتعجب:
-ايه.
الفتاه وهي تنظر لمايك بغضب:
-مين ده يا مايك؟؟
مايك وهو يشرح لها الأمر:
-ده مالك صحبي الجديد معلش بس هو حكيته غريبه شويه.
وحكى لها حكايته بشى من الاختصار
الفتاه وهي تستمع بصدمه:
-ياه أما حكايه غريبه اوي.
مالك وهو ينظر لهم بتعجب:
-مين دي يا مايك؟ وهو مش انت قولتلي اني محكيش حكايتي لحد وهي ازاي بتعرف تتكلم عربي؟؟
مايك وهو يبتسم وشرح له:
-دي تبقى جولي صحبتي الوحيده احنا صحاب من سنين طويله وانت دلوقتي بقيت واحد مننا وهي بتتكلم عربي علشان هي اصلا مصريه كانت عايشه في مصر ولما ابوها مات امها أتجوزت واحد من هنا وجات تعيش معاه هنا ويتعامل جولي بطريقه وحشه علشان جولي رافضه تتجوز ابن عمها لان امها عاوزه تجوزها وتخلص منها وعلشان كده جولي شغاله معايا نفس الشغل وبتلبس كده علشان شغلنا بيحكم علينا بكده فهمت يا مالك.
نظر له مالك باستغراب:
-هي ازاي امها بتعمل فيها كده.
مايك وهو يجلس:
-يا مالك انا قولتلك قبل كده ان الحياه هنا مش زي ما انت فاكر.
نظر مالك الي جولي باحراج :
-انا اسف يا جولي.
جولي وهي تجلس بلا مبالاه:
-لا عادي ولا يهمك انت مش اول واحد يقول عليا ولد.
شعر مالك بالاحراج الشديد وايضا غضب من نفسه لأنه فعل ذلك شعر مايك بما يفكر به مالك:
-عادي يا مالك جولي مزعلتش هي طيبه اوي ومش بتزعل بسهوله كده وبعدين احنا خلاص بقينا احنا التلاته صحاب مع بعض.
جولي وهي تنظر لمالك بابتسامه:
-أيوة فعلا مايك معاه حق انا طيبه اوي المهم
هناكل ايه النهارده بقى الصراحه أنا جعانه اوي.
ضحك مايك على جولي:
-مش فالحه غير في الاكل .
جولي وهي تنظر له بغضب :
-ملكش فيه يا اخويا وقوم اعمل حاجه نكلها يلا
مايك وهو يفتح التلفاز:
-ولما أنا أقوم اعمل الاكل انتي تعملي ايه.
مالك وهو يرى تدهور الامور:
-:فيه ايه يا جماعه انتو هتتعاركوا ولا ايه ممكن أقوم اعمل انا عادي يعني.
جولي وهي تنظر له بلا مبالاه:
-لا هو كل يوم لازم يتخانق على الموضوع ده
مالك وهو ينظر لهم بتعجب :
-هو انتو كل يوم بتقعدوا مع بعض وبتاكلوا مع بعض.
مايك بتأكيد:
-أيوة.
مالك وهو يفكر:
- بتفكير:طب ليه متتجوزوش احسن وكده جولي ترتاح من امها وكمان انتو اصلا قاعدين مع بعض.
جولي وهي تغادر :
-يا بني مايك ده زي اخويا
ثم تركته ورحلت الي المطبخ نظر لها مايك بحزن
مالك وهو ينظر له بحزن:
-انت زعلت من كلامي ولا ايه.
مايك وهو يشرح له:
-لا احنا زي الاخوات لكن اللي مزعلني انها عندها عقده من الجواز والحب وكل الحاجات دي.
مالك. بتعجب وهو ينظر له:
-ليه.
مايك وهو ينظر له:
-انا هحكيلك..
0 مراجعة