البارت الرابع
مالك وهو يتحدث باهتمام:
-انا قصتي كبيره وغريبه جدا يعني متاكد انك عاوز تسمعها.
نظر له مايك بحماس:
-اكيد انا متحمس اوي علشان اعرفها.
مالك وهو يقص عليه :
- انا كان جد ابويا عايش مع عائلته في حاره جوه مصر كان جد ابويا ده الكبير بتاعهم كانوا كلهم عايشين عيله واحده متماسكه بيحبوا بعض كان في جيران كتير وكانوا كلهم بيحبو جد ابويا ده لحد ما حصل حاجه غيرت حياتهم خالص جيه شويه بلطجيه هجموه عليهم قتلوه منهم كتير وسرقوه منهم حاجات كتير وفضل الموضوع ده يتكرر تقريبا كل كام شهر لحد ما زهقوه حتى الحكومه معرفتش تعمل حاجه فقرروا يسافروا برة مصر في سفينه كانت مسافره حضروا نفسهم وفعلا سافروا لكن وهم في السكه السفينه غرفت بيهم ونجا منهم ناس كتير فضلوا يعومو لحد ما لقيوه جزيرة فضلوا قاعدين فيها فترة كبيره مش عارفين يطلعوا منها خالص لحد ما يأسوا خالص لكن جد ابويا قالهم أن المكان ده مناسب جدا يقدروا يعيشوا فيه براحتهم من غير اي مشاكل او اي حاجه وكمان دي جزيرة كبيره بعضهم كان خايف و البعض الثاني لأ لكن في الاخر وفقوه وعينوا جد ابويا ده الزعيم وجيل وراه جيل لحد ما جيه انا والصراحة ان مكنتش حابب الجزيرة تخيل نفسك تصحى كل يوم تعمل نفس الحاجه الموضوع ممل جدا وفكرت امشي وده الي حصل صحيح اقبلت شويه صعاب لكن في النهايه وصلت.
كان مايك ينظر له ببلاهه لا يصدق كلامه يبدوا صعبا عليه:
-لحظه كده وبراحه يعني انت عايش في جزيرة انت وعيلتك.
قال مالك بعدم اهتمام:
-أيوة انا عايش في جزيرة.
مايك وهو يتخيل الأمر بحماس:
-تصدق الموضوع ده حلو اوي انك تعيش في جزيرة انا عايز اجرب.
مالك وهو يتذكر الامر بملل:
-لا دي حاجه تخنق انت عايز كل يوم نفس الاكل وتعمل نفس الحاجه لا دي حاجه ممله.
مايك وهو يضحك على كلامه:
-عارف كل واحد بيكون عايز يغير حياته انا بردوا مش حابب حياتي وغير كده انا معنديش عيله..
مالك وهو ينظر للتلفاز بتعجب:
- بجد عايز اسالك سؤال هو ايه ده.
كان يشير إلي التلفاز نظر له مايك قليلا:
-ده تلفزيون بنتفرج فيه على افلام ومسلسلات.
مالك وهو ينظر للتلفاز بتعجب:
-بجد ايه ده اصلا.
مايك وهو ينظر له بصدمه:
-يبدوا أن الأمر سيكون صعبا.
مالك وهو ينظر له بتساؤل:
-بتقول ايه.
مايك:
-ولا حاجه استنى هشغله ليك وانت بنفسك تشوف.
قام مايك بتشغيل التلفاز وتعجب كثيرا من انبهار مالك منه شعر للحظه أن مالك هذا مثل الاطفال في البراءه فهو يتصرف بعفويه، لكن هذا العالم قاسي وبشده إذا تصرف مالك هكذا أمام الناس سيسخرون منه لذلك قرر شئ مهم:
-مالك انا عايز اقولك على حاجه مهمه اوي انت لازم تقول قدام الناس انك فاقد الذاكرة.
مالك وهو ينظر له بتعجب:
-ليه يعني.
مايك وهو ينظر له بأسف:
-علشان للاسف الحياه هنا مش زي ما انت فاكر محدش هيصدق قصتك الكل هيفكروك مجنون اسمع مني انا عارف الناس دي كويس اوي.
نظر مالك له بعدم فهم:
-انا مش فاهم حاجه.
مايك وهو يحاول ان يفهمه الأمر:
-بص يا مالك الناس دي بتتعامل مع اي حد غريب كأنه مش انسان زيهم فاسمع كلامي وبكرة هتفهم قصدي كويس اوي ثق فيا ها قولت ايه..
0 مراجعة