البارت الثاني
بعد مرور أسبوعين كان نور قد انتهى من صنع السفينه،ذهب سريعا لمنزل مالك لكي يخبره بهذا الخبر، طرق الباب وفتح له الزعيم
نظر له نور بتوتر وهو يحاول الا يظهر له شيء:
-زعيمنا عامل ايه ليك وحشه والله.
احمد بجدية وهو ينظر له بدقه
-عاوز ايه يا نور أنجز.
نور بتوتر وهو يلعن مالك لوضعه في هذا الموقف:
- اصل بصراحه كده ...هو يعني ..احم .. هو فين مالك.
الزعيم احمد وهو ينظر له بشك:
-ادخل يا نور مالك جوه تلاقيه نايم ما هو ده الي فالح فيه.
دخل نور سريعا الي غرفه مالك انتفض مالك من المفاجاه :
-ايه يا بني في حد يدخل كده ما تخبط على الباب.
نور بغضب وهو يتنفس براحه:
-اسكت بقى يا اخي ابوك ده صعب اوي كنت هتكشف.
مالك بخوف من ان يكتشف احد خططته:
-ليه ايه الي حصل.
نور بلا مبالاه وكأنه نسى ما حدث منذ قليل:
-ولا حاجه المهم السفينه خلصت يا معلم.
مالك بسعاده وحماس:
-بجد طب كويس هسافر النهارده كده
نور بصدمه كبيرة وهو ينظر له:
-ازاي يعني النهارده .
مالك وهو يتعجب من صدمته
:
-عادي يعني علشان محدش ياخد باله من السفينه .
نور بحزن لانه لن يرى صديقه مجددا:
-يعني النهارده ومش هشوفك تاني لا يا مالك امشي بكرة علشان عايز اقعد معاك شويه.
مالك بحزن فهو ايضا سيشتاق لصديقه:
-لا يا نور مينفعش وبعدين انا هرجع تاني مش هتاخر
-طب هتمشي امتى مش ممكن الزعيم يشوفك .
-لا بالليل لما الكل ينام .
-هنتقابل فين.
-نتقابل على شاطى الجزيرة لما الكل ينام علشان محدش يحس بحاجه.
-رغم اني مش مقتنع بس تمام.
وفي المساء بعدما نام الجميع تسحب مالك بهدوء كي لا يشعر به أحد وخرج من المنزل وعندما وصل الي الشاطئ وجد نور ينتظره وبجانبه السفينه الصغيرة
-ايه ياعم كل ده تأخير.
-معلش عقبال ما الكل نام .
نور وهو يعانق مالك بقوة شديدة
مع السلامه يا مالك هتوحشني اووووي.
مالك وهو يبادله العناق :
وانت كمان يا نور والله بس انا مش هتأخر.
-ماشي هستناك .
-يلا مع السلامه.
ركب مالك السفينه وبدأ يقودها الي أن ابتعدت كثيرا عن الأنظار ،ظل مالك ساعات وايام في وسط المحيط لا يعرف اي الطرق يسلك وهو يلعن غباءة أنه لم يفكر في الأمر عندما كان في الجزيرة، الي أن هبت عاصفه فجأه أطاحت بمالك يمينا ويسارا وظلت المياة في حاله هياج والامطار شديده والجو بارد جدا بدأت السفينه تفقد توازنها الي أن امتلئت بالمياة وبدأت تغوص الي أسفل شعر مالك انها النهايه لكنه لم يستسلم وصارع الأمواج العاتية لكن دون جدوى الأمواج كانت عاليه جدا لم يشعر مالك واغمض عينه ..
ترى ماذا سيحدث..
0 مراجعة