.jpeg)
ليلة من ليالِ الشتاء
الجزء الأول
بقلم/ رحمة ابنة سليمان
البارت السادس
يونس : وبدأنا نجهز للفرح وقولنا انو هيبقي بعد ٣ شهور كنت بعمل كل حاجة تفرحها لأني كنت بفرح لفرحتها و بعد شهرين من التجهيز للفرح كنت طلبت منها انها تيجي علشان افرجها علي الشقة و عجبتها جداَ ... وانا كنت فرحان ان خلاص ميعاد الفرح قرب.
صِبا: الو.... يونس انا مخنوقة
يونس: مالك .... انتي كويسة؟!
صِبا : حاسة بخنقة ... عايزة اخرج اتمشي شوية
يونس: طب يلا البسي هنزل امشيكي شوية
صِبا : اشطا مستنياك
" مشهد المقابلة "
يونس: مالك يا ست البنات؟!
صٍبا: مش عارفة يا يونس ... مخنوقة اوييي
يونس: طب في حاجة زعلتك... انا دايقتك طيب ؟؟
صِبا: لا يا يونس انت ملكش ذنب
ملاك " فجأة" : ازايك يا يونس
يونس " بدهشة " : انتي كنتي فين ... بقالك كتير مش بتزوريني
صِبا: انت بتكلمني انا ؟؟
يونس: لا بكلم ملا
صِبا: بتكلم مين؟!
يونس: مش بكلم حد
صِبا: طب يلا نروح... انا بقيت كويسة خلاص.
يونس : تمام اللي يريحك... يلا
روحت البيت وكنت مروح مش عارف انا بعمل ايه و ملاك كانت
بقالها فترة مش بتزورني اشمعنا ظهرت انهاردة ؟!
و اتفجأت لما روحت ان ملاك جات.
ملاك : ازايك يا يونس
يونس: انتي كنتي فين؟..... واحشني الكلام معاكي
ملاك: مبروك.... فرحك قرب
يونس: الله يبارك فيكي
ملاك: افتكر اني قولتلك ان دا مش هيحصل.... سلام
يونس: بدأت احس ان تهديد ملاك هيقلب جد ... انا الاول كنت فاكرها غيرانة من صِبا .... انا عارف انها طيبة .... بس دي ملاك .
" بعد حوالي ٢٠ يوم"
يونس: صِبا .... باقي علي فرحنا ١٠ ايام بس انا فرحان جداً
صِبا: و انا كمان فرحانة جداً... بس حاسة بحاجة غريبة
يونس: متقلقيش ان شاء الله خير هيبقي يوم حلو
صِبا: اتمني ذلك
يونس: ملاك كانت مش بتزورني في الايام دي... مع اني كنت حابب اتكلم معاها و اعرفها اني لسة بحبها ... بس انا عايز اعيش .. وكمان انا وعدت امي اني مش هسمع كلامها و مش هروح معاها .... لكن قبل خمس ايام من الفرح ملاك جات تزورني.
ملاك: عامل ايه يا يونس
يونس: والله كنتي لسة علي بالي ... بجد واحشتيني
ملاك: والله بجد.... طب يلا علشان هتروح معايا
يونس: لا طبعاً.... انا فرحي بعد ٥ ايام انتي بتقولي ايه
ملاك " بغضب" : انا قولت انك هتروح معايا يبقي هتروح معايا.
" يُتبع"
يا ترى ملاك هتنفذ تهديدها ؟!
.jpeg&description=ليلة من ليالِ الشتاء - الجزء الأول، للكاتبة رحمة ابنة سليمان){kind=link}
0 مراجعة