.jpeg)
ليلة من ليالِ الشتاء
الجزء الأول
بقلم/ رحمة ابنة سليمان
البارت السابع
يونس: لا طبعاً .... انا فرحي بعد 5 ايام انتي بتقولي ايه
ملاك " بغضب" : انا قولت هتروح معايا يبقي هتروح معايا
يونس: لا يا ملاك ..... حرام عليكي... انا معرفش عنك كدا .. لو بتحبيني اكيد هتفرحيلي.
ملاك: انا بحبك .. علشان كدا عايزاك معايا
يونس: انا هفرح لما هتجوز صِبا ... لو بتحبيني سبيني
ملاك: مش قادرة
يونس: انا اسف يا ملاك بس مش هقدر اروح معاكي
ملاك : يونس لو مجتش معايا برضاك هاخدك غصب عنك
يونس " بغضب" : يعني ايه ... لو سمحتي امشي دلوقتي و متجيش تاني يا ريت .
يونس : ملاك فضلت حوالي 3 ايام م مجاتش تزورني ... انا كنت ندمان علي الكلام اللي انا قولته انا بجد اسف ليها ... يا ريت تيجي انهاردة ... انا خلاص فرحي باقي عليه يومين .
ملاك " فجأة" : لو مش موافق انك تيجي معايا انا هاخدك غصب عنك
يونس" بإبتسامة" : انتي كنتي فين ... واحشتيني
ملاك: انا مش هقولك تاني تعالي معايا
يونس: طب بس اهدي ... انا خلاص فرحي بعد يومين ... مش هينفع اجي معاكي
ملاك : بس انت لسة الفرصة قدامك .. انت لسة متجوزتش يا يونس يعني ممكن نقول محصلش نصيب و بعدها يونس هيختفي من الحياة ومن دماغ صِبا.
يونس: انتي بتتكلمي بجد يا ملاك ؟!
ملاك : و انا ههزر معاك في حاجة زي كدا
يونس: تفتكري لو فعلاً اختفيت صِبا هتنساني؟!
ملاك: لو بتحبك اكيد مش هتنساك
يونس: بس لا لا ... انا اكيد مش موافق اني اروح معاكي ... انا بجد عايز اعيش .
ملاك: هنعيش مع بعض يا يونس
يونس: مش هينفع... خلاص دا باقي يومين
ملاك : محصلش نصيب... و افتكر اني قولتلك ان دا مش هيحصل... جهز نفسك علشان هتيجي معايا بكرة .
يونس : لا يا ملاك يعني لا
ملاك: بكرة نشوف لا بتاعتك
يونس: انا حرفيا كنت خايف بجد. ملاك كدا مبتهزش
انا كنت بتمني بكرة ميجيش ، وهو فعلاً مجاش
عليا في الحياة لأن ملاك جات و خدتني فعلاً .
ملاك " بليل" : اصحي يا يونس
يونس: ملاك ... انتي ايه اللي جابك دلوقتي
ملاك : جاية اخدك معايا... يلا قوم البس البدلة بتاعتك
يونس: و مين دول يا ملاك؟؟
ملاك: دول اللي هياخدو روحك يا حبيبي... يلا بقي بطل كسل وقوم البس بدلتك
يونس: ملاك انا بجد بدأت اخاف
ملاك: متخافش طول ما انت معايا ..، قوم البس بدلتك
الارواح الاخري " بغضب" : قوم يا يونس يلا
يونس: قايم اهوو.
و بعد ما لبست البدلة طلبت اني اكلم صِبا
علشان اودعها وملاك وافقت.
يونس: الو
صِبا: خير يا يونس في حاجة ولا ايه... انت كويس؟!
يونس: متقلقيش يا صِبا انا كويس... انا بس بتصل بيكي علشان اقولك ... انا اسف... سامحيني معلش.. سلام يا صِبا.
ملاك: يلا يا يونس ... قرب مني
الارواح الاخري: قرب منها يا يونس.
ملاك : اصحي يا يونس ... خلاص انت كدا معايا في عالم الجن والارواح
يونس: انا بجد مش مصدق .
" يُتبع"
في ليلة من ليال فصلنا المفضل انتظرتها ولم تأتي ، ولكن فجأة ظهرت و فعلت ما فعلته واختفت واخفتني معها و اخفت كل ذكرياتنا الماضية .... كنت اظن نفسي اعرفها و لكن لم افهم لما فعلت كل هذا.
بقلم : رحمة ابنة سليمان.
دا طبعاً كان البارت الأخير من الجزء الأول.. ايوة الرواية ليها جزء تاني ان شاء الله... انتظروها في احداثها الجديدة.
.jpeg&description=ليلة من ليالِ الشتاء - الجزء الأول، للكاتبة رحمة ابنة سليمان){kind=link}
0 مراجعة