.jpeg)
ليلة من ليالِ الشتاء
الجزء الأول
بقلم/ رحمة ابنة سليمان
البارت الخامس
يونس : انتي ليكي عين تيجي هنا تاني ... لو سمحتي امشي
انتي السبب اكيد... اول ما ظهرتي هي اتوفت
ملاك: لا طبعاً يا يونس ... انت ازاي تفكر في كدا
يونس : اكيد طبعاً ... لأنك اصلا مكنتيش طايقاها لما مكانتش موافقة اني اروح معاكي ... هي كانت بتحبك اويي ، وكمان زعلت جدا لما انتي اتوفيتي
ملاك " بحزن" : يونس علشان خاطري متعملش فيا كدا ... انا فعلا بحب طنط وانت تشهد اني دايما كنت بحب اكلمك عنها واحنا مخطوبين
يونس: انا مش عارف افكر في اي حاجة ... انا تايه .
ملاك : انا جمبك... متخافش
يونس: انا بحبك اوييي
ملاك : طب ايه موقف صِبا في حياتك ؟!
يونس: ممكن نتكلم في وقت تاني غير دا لأني تعبان وعايز انام .... ابقي تعالي تاني
ملاك : هزورك كل ليلة ... سلام
يونس : سلام
يونس : ملاك كانت فعلا بتزورني كل ليلة و دايماً كنت معاها بحس بنفس الاحساس اللي كنت بحسو معاها زمان وهي عايشة ، وكنت دايماً بلاقيها مهتمة بيا اكتر من اي حد تاني .... انتوا طبعاً عارفين مين اي حد تاني .... انا اقصد صِبا طبعاً ، لكن انا بحب صِبا ....... لا ملاك مهتمة بيا اكتر و صِبا بتعاملني زي اخوها .... بس انا بجد بحبها .. انا بجد تايه ومش عارف اعمل ايه.
" بعد مرور شهرين"
يونس:
انا لازم اشوف حل في الحكاية دي ..... انا لازم الاقي حد اكمل معاه حياتي
ملاك " فجأة" : يعني انت خلاص مش عايزني في حياتك ؟!
يونس"بخوف" : خضتيني يا ملاك .... انتي اصلا مش موجودة في حياتي
ملاك : قصدك ايه ؟؟
يونس: انا قصدي اني عايز اتجوز واخرج
ملاك: احنا ممكن نعمل دا كلوا
يونس: ازاي وانتي مش في الحياة
ملاك: ما انا قولتلك تعالي معايا
يونس: انا بحب صِبا وهكمل حياتي معاها
ملاك"بغضب" : صِبا.. صِبا.. صِبا .... صِبا اصلا ًمش شايفاك
يونس: انا خلاص قررت اني هتقدملها بكرة
ملاك : لا يا يونس... لا
يونس: انا خلاص قررت .... وانتي ابقي زوريني عادي
ملاك " بغضب": ماشي يا يونس ... بس خليك عارف ان دا مش هيحصل ومن غير سلام .
"تاني يوم"
يونس: الو
صِبا : الو يا يونس ... عامل ايه ؟!
يونس : تمام ... ينفع نتقابل حالاً ؟!
صِبا: خير .. انت كويس ؟!
يونس: انا كويس متقلقيش ... هينفع تنزلي؟!
صِبا : يلا ... بس هنتقابل فين ؟؟
يونس : انا هعدي عليكي هاخدك مكان تحفة
صِبا : ماشي ... يلا البس وعدي عليا
يونس : ماشي .. يلا سلام
" مشهد المقابلة"
يونس: كنت محضر احلي مكان في المحل كلوا
و كمان جبت عازف عود وبيانو و فهمت
الجرسون كل حاجة .
يونس: اتفضلي يا ست البنات
صِبا: ايه دا كلوا ... ايه دا كلوا
يونس: كل دا علشانك ........... تقبلي تتجوزيني !؟
صِبا: بتقول ايه
يونس " بضحك" : لا ما انا صدقت قولتها .... انا بحبك يا صِبا
صِبا " بهزار" : وانا كمان يا كاتنيلا
يونس: يعني موافقة ؟!
صِبا " بصوت واطي" : اه
يونس " بفرحة" : لا لا .... عَلي صوتك عايز اسمعها كويس
صِبا : موافقة
يونس: انا فرحان جدا ً
و بدأنا نجهز للفرح وقولنا انو هيبقي
بعد 3 شهور .... كنت بعمل كل حاجة تفرحها
لأني كنت بفرح لفرحتها ..... وبعد شهرين من التجهيز للفرح كنت طلبت منها انها تيجي افرجها ع الشقة وعجبتها جداً..... وانا كنت فرحان ان خلاص ميعاد الفرح قرب .
"يُتبع"
يا ترى الفرح هيعدي كدا بالساهل ولا ملاك هتنفذ تهديدها ؟!
و دا اللي هنعرفه البارت الجاي
.jpeg&description=ليلة من ليالِ الشتاء - الجزء الأول، للكاتبة رحمة ابنة سليمان){kind=link}
0 مراجعة