ليلة من ليالِ الشتاء - الجزء الأول، للكاتبة رحمة ابنة سليمان

  

ليلة من ليالِ الشتاء

الجزء الأول

بقلم/  رحمة ابنة سليمان 

 البارت الثاني

صِبا "بخوف" : يلا يا يونس الليل قرب

يونس: حاضر....... حاضر

       كنا طول الطريق ساكتين ومحدش حاول يتكلم خالص...  انا الصراحة كنت خايف اكلمها تاني ف سكت 

يونس "بعد عشر دقايق ": يلا يا ستي اديني وصلتك قبل الليل 

صِبا: شكرا يا سيدي 

يونس: يا تري المقابلة دي هتتكرر تاني ؟! 

صِبا: اكيد... بس طبعا تبقي بالنهار 

يونس: اللي انتي شايفاه.... سلام 

صِبا: سلام 

يونس "في عربيته": يالاهويي عليك يا يونس... انت ازاي تقولها كدا من اول مقابلة ... انت اكيد كدا خوفتها منك .

يونس"في البيت": السلام عليكم... ازايك يا امي 

مامت يونس: و عليكم السلام.... ازايك يا ابني 

يونس: الحمد لله... دا انا عايز احكيلك حاجات كتيرة اويي يا ست الكل ... فاضية؟! 

مامت يونس: طبعا انا ورايا غيرك 

يونس: بصي يا امي انا بصراحة بحب !..

مامت يونس"بذهول": بجد والله ... فرحتلك جدا يا ابني 

                          بس مين بقي؟ حد اعرفه؟! 

   يونس: لا مش هتعرفيها دي زميلتي في الشغل ، انا كنت معاها انهاردة .. وكمان اعترفتلها بحبي بس هي مردتش عليا و حسيتها خافت مني 

مامت يونس: طب ايه رأيك تعزمها ع الغدا عندنا بكرة وانا هعملكم الاكل بإيدي دول 

يونس: تسلملي ايدك يا ست الكل.. طب والله فكرة ، خلاص اعملي حسابك وانا راجع من الشغل بكرة هجبها معايا 

مامت يونس: تنورنا 

يونس: بنورك .. انا هقوم انام دلوقتي علشان حاسس اني تعبان شوية ... يلا تصبحي علي خير 

يونس "تاني يوم في الشركة" : ازايك يا صِبا... عاملة ايه

صِبا : انا تمام .. انت عامل ايه 

يونس: الحمد لله... ممكن نتغدا سوا انهاردة؟.. امي هتعملنا اكل تحفة 

صِبا: معنديش مشكلة .... مشكلتي الوحيدة 

يونس "بسرعة" : مشكلتك الوحيدة ان الليل ميجيش .. عموما متقلقيش هوصلك قبل الليل.  

صِبا: تمام  

                                                                       "مشهد البيت"

مامت يونس: اهلا.. اهلا.. اهلا ازايك يا حبيبتي .... عاملة ايه 

صِبا: الحمد لله يا طنط ... حضرتك عاملة ايه 

يونس: دي يا ماما صِبا ... اعز زميلة ليا في الشغل 

مامت يونس: اهلا وسهلا... اتفضلي يا حبيبتي ، تشربي ايه ؟! 

يونس وصِبا "في نفس الوقت" ليمون بنعناع اكيد 

يونس: ههههههه .... هي كدا يا ماما عمري ما شوفتها بتشرب غير ليمون بنعناع 

مامت يونس: حاضر يا ابني... تعالي يا يونس عايزاك في المطبخ 

يونس : حاضر  يا ماما .... اتفضلي اقعدي يا صِبا هشوف ماما واجي بسرعة 

            

                               "مشهد المطبخ"

يونس : ايه يا ماما خير ... ايه رأيك في صِبا ؟!

مامت يونس: الصراحة يا ابني اول ما شوفتها حسيت نفسي مش مرتاحة 

يونس: ليه بس كدا ... هتتعودي عليها قريب 

 مامت يونس : اتمني والله 

يونس: طب يلا علشان نشرب العصير ونتغدا

مامت يونس:  ماشي ... يلا روح غير هدومك وتعالي .

يونس: حاضر يلا اهوو بسرعة 

يونس "بفرحة" : مبروك علينا.... فرحتنا الليلة 

مامت يونس"بعد دقيقتين": اااااااااااه... يالاهويي الحقني يا يونس . 

                                                                                                         "يُتبع"